Jowai: Ka Dorbar bah Khasi Jaiñtia yong ka kur Synnah daw man ko ha uni u snem ha ka 12-01-2019 ha chnong Saphai West Jaiñtia Hills District kawa jngai 60 Km na ka chnong Jowai, wei ka luti wow lai toh na Phramer, Lad Shangpung, Raliang, Khonshnong, Iooksi ter ter.
Ya kani ka Dorbar bah ka Seiñ Kur Synnah toh kawa pynman chisein chi snem, chi snem cha thaaiñ Pnar, chi snem cha thaaiñ Khynriam (Khasi).
Kamtæ ka Seiñ Kur Synnah Central Body da khut da wer ko ya waroh ki khon ka kur Synnah kiwa chong chnong kylleiñ soodong ka bri u Ynñiawtrep Ynñiawskum wow sñiawbha wow poi lut khrui ha katai ka sngi khnang wa i thmu wa bha yong ka Seiñ Kur u man ki kiwa jop, kamjooh leh u man ko ka yachemlang yow yoh ya tipmit para kur na ki chnong waphær waphær.
I thong wa kongsan kani ka Dorbar toh wow e i snieñ i kroo wei wow tip yei eh i khoo ki khon ka kur wa yachem ki.
Ini toh katkam i pyllait khubor u Paul Synnah, President ka Sein Kur Synnah Central Body Ri Khasi Jaintia.
Discussion about this post