Jowai : Ka Dorbar Kur Phawa Siangchai kawa da pynman ynne ka sngi 23 tarik ha madan Lateiñ, Ialong dei thmu wow yatipmit para kur para jait kamjooh u pynskem ya ka pyrtuid ka kur yow lait nei wiar jait kamjooh i chong kha chong man chi kur chi jait.
Ha chwa u sdang ya kani ka dorbar kur wa pyllai da u ma Helping Phawa, President Sengkur Phawa Siangshai da pynher leh ya ka lama ka seiñ kur da u ma Hilarious Siangshai.
Ki phang wa ka Seiñ Kur Phawa da phlylu yumut ha kani ka dorbar em nadooh i yatoh kur, ki kaamram ki manbei, i burom akor ya para kur hadooh i emkaam ka yarong poisa ya ka seiñ kur.
U ma Sannio Siangshai, General Secretary hei klam yong oo da ong u wa i sin kur toh iwa maa bha ya ka kur. Ong u wa mih kitæ ki kur Lyngdoh du nei sin kur donhi. Em ki kur wa yoh u man kam ki Langdoh tangwa hadien wa da myllien ki paidbah u ong u lai yachem ya u Langoh ini i sin da kylla hadooh wa neh i kur chei Lyngdoh. Ini waroh yah i cha i ma i sang madna chong kha chong man.
U ma Matheus Siangshai ong u wa para chi kur ymtoh u leh chilliang u pait chilliang lada dooh næ mahajon la sngaid ne rkhoh. Emkaam i yatylli i yarap kylliang.
U ma Iaidbha Phawa hei klam yong oo da ong u wa emkaam u em kam ka register yong ka kur yow ya tipmit lang kamjooh yow ye u yarap lang neiliang ka poisa lada ka ya yarong poisa ka kur man ko kawa boon. Da pynchlur u deiwa e nongmuna leh wa lada em ki khon ka kur kiwa kreh mistri toh u khut kreh da ki kam wow yarap chi kur. Ong u wa boon hi ki kur ki jait toh ki wa duh wa duk wa kreh nongsngi kamtæ hap yarap kylliang. Ong chooh wa kam ka kur toh u pynchlur ya ki khon khynroo khyllood kiwa em boon ki sap kam ha ka tem ka put, i chad i rwai wa kiwi kiwi de ki sap ki.
Kiwi tawon kiwa da klam ha kani ka sngi toh u ma Hermon Phawa wa man leh kam u kongsan, ka kong Wirceena Phawa, u ma Justine Phawa wa kiwi kiwi de.
Da pynwyrngia ya kani ka ka yalang da ki chad ki khynroo khylloo ka kur.
Discussion about this post