Ka Dorbar Mang Poisa ka JHADC wow sah kynmoo

Jowai : Ka JHADC ka council kawa da jooh leh ya ki kaam wow sahkynmoo nawarim kam i pynman CEM da u Independent MDC, wow tyngkheiñ chuki, wow pakhot ya ka Microphone heipor wa man dorbar, ha kani ka kynti da leh biang ko yei kaam wow sah kynmoo biang ynne ka sngi.

Yeini i kaam da yoh u sakhi heiwa ki liang pyrchah dei wym poipyrkhat da lai ki neiliang ka liang synchaar kawa em won kiwa neiliang ka liang synchaar da lai cha liang pyrchah du kattu katni por chwa wow sdang ka Dorbar Mang Poisa ka Council.

Ki MDC ka UDP kiwa kynthup ya u ma Marki Mulieh wa u ma Moonlight Pariat wa ka kong Violet Lyngdoh da yoo wa da chong ki neiliang ka liang synchaar katwa ki MDC kiwa kynthup ya u ma Suk Shylla, ma Chanky Lyngdoh, ma Bison Iano wa u ma Skhem Suchiang kiwa man kam ki Independent MDC kiwa man leh kam ki Chairman yong ki Committee waphær waphær hapoh i yahkhmat u ma Thombor Shiwat ka Executive Committee da chong ki ha ka liang pyrchah.

Hei yaklam wa u CEM hadien wa kut ka Dorbar da pyntip u wa waroh kini ki Chairman da chah pynhiar ki na ki kyrdan wa ksoh ki.

Related posts

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Ym yoh Ticket u Baitlang na ka VPP wow yakhun MDC na Jowai South, paan u yei kyrchaan kam u kyrtong samen

November 12, 2024

“Boon ki dkhot kiwa ksoh jar jiar ki kyrdan kiwa kynthup ya ki Executive Member daw chah pynhiar ki chong hei rukom kreh ki katkam ki kyndon krehkaam ka party”

Chooh chooh u ma Moonlight Pariat wa u ma Marki Mulieh da booh ki ya ki phang kylli ha ka Legislative Department ki wow kylli ha ka Dorbar ynne ka sngi. Iwa phylla won toh wa kini ki ar ngut kiwa em ha ka liang pyrchah ym em u tot (Supplementary Questions) ki ya ki phang wa da kylli ki hadein wa da yoh ki yei jubab na ka liang synchaar.

Ini iwa jia ynne ka sngi man i ka sien wa nyngkong wa khlem tot ka liang pyrchah hei yatoh wa ka jubab, da man ko ka sien wa nyngkong ha ka dorbar heiwa da pynsakhiat yeini da ki bru wada em ha ka Council da slem bha da u ma Moonlight Pariat wa u ma Obil Kyndait.

Ki mat phang wada kylli u ma Moonlight ha ka Dorbar kynthup ki yei chna wei pynmiat ya ka Iawmusiang, ka Special Assistance Scheme, i yoh khrong dan ka Council, i chna ya ki baan, wa kiwi kiwi. Katwa u ma Marki da kylli u hei yatoh wei ka nong wa da yoh bhah ki na ki kaam tih moo, chyiap, wei lada ka company Lafarge da jooh paan ko ya ka NOC yow tei ya ka Cement Plant ha Jaiñtia Hills, ki wah wa em ha Ri-loom Jaiñtia, wa kiwi kiwi.