Jowai : Na warim wajah ki Pnar ka-it bha ki u baam ya ki jaitbaam kiwa ye u ong wym jooh baam ki chawi. Ha kani ka kynti neiliang u WYRTA u wanrah i chaphi ya i dukan wa dai tpuwaseiñ wei doh.
Ini toh i dukan i yong ka kong Molty Shylla wa em pyn harood u surokbah NH 44 wa em ha Soomer chwa wow poi ka Laad Nangbah.
Ha ini i dukan ye phi u yoh ya u Tpuwaseiñ, i dohsaiñ sniang, i dohjem, i dohsaiñ syiar, i doh syrwa, i ja, ka cha wa kiwi kiwi.
Idaw wa ka-it ki bru u lai cha ini i dukan toh wa ya u tpuwaseiñ da seiñ pyn heini i thaw hajrong i tpai wei ym em u syad i baam heini dukan.
Ini i dukan wai i man ka sngi lait na ka sngi bibar (Sunday) wei wai i nadooh 4 waje i step hadooh 8 waje i miet. Ka kong Molty da ong ko wa u Tpu em ki sngi ye u yoh hadooh 4 næ 5 waje i janmiet.
Heijooh i por da ong ka kong Molty wa hadien wa da khang u tih mooyong ka yaw katni da hiar bha ko neibhah da duna bha ki truck kiwa lai næ sangeh heini.
Discussion about this post