Jowai : Ki bru wa da sdang u im ja na ki kaam uiñsawari hapoh ka West Jaiñtia Hills District katni da sdang ki u boon wei ha ini i kaam u yada ya kiwa wan uiñke sawari toh iwa emkaam dooh.
Kamtæ neiliang ki bor district ka DRDA West jaiñtia Hills da pynman ko ya ka e sikai wa tip kam ka “Training for life saving and rescue technique” namo wow sika ya ki rukom pyllait im ya ki bru wa ngam um wei wow pynemkaam ya kiwa boon ki tiar wow yarap leh kamjooh ya kiwa lai pyllait im.
Ya kani ka esikai da pynman ha Darrang ha kani ka 24 tarik heiwa da wan 67 ngut ki bru wa kynthup ya 8 ngut ki kynthai kamjooh ki dkhot ka Raij Buam wa pait ya ka Kchaaid Krangshuri.
Ya uwa e sikai u H. Rymbai, Station Officer da wan u na ka ophis ka Superintendent Fire & Emergency Services uwa da e sikai ya kiwa boon jait i rukom pyllait im ya ki bru nei ngam um, ki tiar wa emkaam u kit heipor wa hiar cha um, ki lifejacket, ki lifebuoy wa kiwi kiwi.
Da sikai leh ya kiwa em ha kani ka sngi u pynemkaam ya ki tiar Scuba Diving.
Discussion about this post