Shillong : Ha kani ka juk emkaam u tip wow yada yei hok yong ki bru kiwa da heh i rta katkam wa da booh ha ka kyndon Article 21 yong ka riti synchaar ka ri yeiwa ki tnat krehkaam ka sorkar da sdang ko ya kiwa boon ki scheme wow yada yei hok yong ki.
Ya kini ki scheme da batai ha ka esikai yong ka National Legal Service Authority (NALSA), (Legal Services to Senior Citizens) Scheme, 2016 ya kawa da pynman ynne ha Office Chamber u District and Session Judge, West Garo Hills Tura kawa man leh kawa nyngkong dooh kam kani ka esikai hapoh ka district.
Hei klam ha kani ka sngi u I. Rymbui, uwa man kam u Chief Judicial Magistrate cum Secretary da batai u chaphang ka thong yong ka “NALSA (Legal Services to Senior Citizens) Scheme, 2016”. Da pyntip u wa katkam kani ka scheme ki bru wa em palat 60 snem i rta da kheiñ ya ki kam ki Senior Citizens wei emhok ki u yoh myntoi na kini ki scheme.
Kini kynthup ki yei wow duna ya ka Income Tax, ki Medical Insurance, ki bai baam tymmen, wa kiwi kiwi.
Da kyntu u leh ya ki tnat wow chakri hok ya ki bru kiwa da heh i rta.
U President ka Senior Citizens Forum Tura, u WG Momin da kylli chaphang kiwa boon ki eh ki khoo wa yachem ki khamtam wa ki myntoi watoh u yoh ki, da pyntip u wa emkaam leh wow pynsñiawthooh ya ki paidbah chaphang i hok yong kiwa da heh rta.
Ha kani ka sngi da em leh ka Additional Deputy Commissioner, Tura ka AVD Shira, u Additional Superintendent of Police, u B A Sangma, wa kiwi kiwi.
Discussion about this post