15 49.0138 8.38624 1 0 4000 1 https://wyrta.com 300 0
Advertisement ad1

Ka esikai ya kiwa kreh monsñiawbha heiyatoh waka aiñ

0 Comments

Jowai: Ka District Legal Services Authority West Jaiñtia Hills District ynne ka 9 tarik u Naisan da pynman ko yaka e sikai wa kyrpang neibynta ki Para Legal Volunteer ha Conference Hall ka yung krehkaam u Superintendent of Police, Jowai.

Katkam i ktien yahkhmat na u D.S. Marbaniang, Secretary District Legal Services Authority da ong u, ki Para Legal Volunteer toh kitæ ki bru kreh mon sñiawbha wow yarap heiyatoh waka aiñ.

Kam ki Para Legal Volunteer em ki ka luti wa man yaar bha wow yarap ya ki bru haka imlang sahlang khamtam ya kiwa dooh wa duk ki wym em i stat i chemphang, nadooh i yarap kammon wow yaleh Birth Certificate, Driving Licence, ki Scheme sorkar waphær waphær, wa kiwi kiwi. 

Da ong haroh u wa em ki ka hok wow pait siar yaki scheme sorkar wa poi haki chnong ki thaw, wei lada chem ki wa em i leh bakla ye ki wow ujor daka PIL wot chadooh ka yungbichaar, tangwa chwa wow lai chakhmat emkam wow biang ki sakhi sabut, ki kot ki sla.

U Superintendent of Police, West Jaiñtia Hills District u Lakador Syiem da kyntu u ya kiwa ya chimbynta wow chlur ki wow kylli ya iwon iwon wa ym sñiawthooh ki khnang yow ye u yarap ya ki, naltor wa khut kyntu u ya i ya krehlang haki kaam ka aiñ wei kamjooh ha waroh ki liang. 

Neiliang u Rev. Jngai Myrmen da pynsñiaw u heiyatoh i lai luti yong oo kam u dkhot ka Para Legal Volunteer deiwa ong, wa boon ki bru dooh ki yei hok neidaw wym tip wei wym chemphang.

Ong u iwa rap boon hi toh haki thaiñ nongkyndong, nyngkong toh wa ban i dooh i duk, wa ar wa duna i stat i tip, iwa le won wa jngai ka luti.

Kamtæ kyntu u yaki para dkhot wow man ki ki bru wa em i mynsien yarap ya kiwi, i mynsien sñiawkhian, wei wym hoi u yooluti ya ka nong hawa yarap. Neibhah la khlem ki Para Legal Volunteer yi wow yarap ya ki. 

Da pynkut u deiwa ong katwon man i kmen wa khroo tam kam ya ki Para Legal Volunteer hadien wa ki bru wa e yarap yoh ki yei kyrkhu.

Ka Magistrate 1st Class yong ka JHADC ka V. Kyndiah won da e ko i klam hajrong Civil Law, wei da batai haroh ko hajrong kammon i rukom bichaar ki yei ya khajia thaw khajia bhaw neibhah ki hapoh District Council pynkrehkam næ pait haroh ki katkam ki riti dustur.

Advertisement ad1

0 Comments

Leave a Reply