Shillong: Ka e sikai wa 3 sngi kawa tip leh kam ka “Media Workshop on Climate Change Reporting” kawa sdang nadooh ka 28 tarik uni u bnai, ynne ka sngi da poi ko cha wakut ha State Convention Centre, Shillong heiwa u lat ka jylla u Banwarilal Purohit da wan u kam u kongsan.
Kani ka Workshop da pynman chirup waka Indian Himalayas Climate Adaptation Programme (IHCAP) yong ka Swiss Agency for Development and Cooperation (SDC), ka Department of Science and Technology (DST), Government of India hei krehlang ka Meghalaya Climate Change Centre, Government of Meghalaya wa ka Centre for Media Studies (CMS).
U lat hei klam yong oo da ong u wa ha kini ki 20 snem wa da dep da boon wa lut ki dieñ ki siej ki mar pohkhyndaw iwa da ktah bha ya ki warep hapoh ka jylla heiwa 70% toh kiwa chaniah ha ka rymaw hapoh ka jylla.
Da pteiñ u deiwa ong wa lada ym khyrngiat i daw chah ktah ka im ja kiwa boon wei i emkaam i wow pynsñiawthooh yei kylla ka rymaw wei kam kiwa pathai khubor em ki ka yukit wow pynche ya ki paidbah hei yatoh wa ini waroh.
U lat leh ha kani ka sngi da pyllait u ya ka “IHCAP Science Briefs.”
Ha chwa ini ka Shimpy Khurana, Communication Officer, IHCAP wa u Dr. S. Ashutosh, IFS, Addl. PCCF, Dy CEO, MBDA & Nodal Officer Climate Change Meghalaya da khana ki yeiwa mih na kani ka Workshop kawa da thoh hapoh ka phang “Climate Change Programmes in Meghalaya.”
Ha kani ka sngi da em leh u Chief Secretary ka jylla u Y. Tsering.
Discussion about this post