15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Kiwa mihkhmat ka Jowai Block Congress Committee toh kiwa dang biej: Sniawbhalang Dhar

0 Comments
Advertisement ad1

Shillong: U Montri wa pait ya ki kaam pynroi ha ki nongkyndong, uwa man leh u MLA ka Nartiang, u Sniawbhalang Dhar da ong u wa ki khubor hamsaya wa mih ha kini ki sngi wa da dep hajrong wow mih noh u na ka party Congress ymtoh kawa sakhiat.

Hawa yaklam u wa kiwa pathai khubor, u Sniawbhalang da ong u, “nga toh u bru Congress wei daw yakhun Election O leh naka Congress ha u snem 2018 wei u pyntikna O leh waka Congress daw wan biang ko heibor synchaar.”

Hei yatoh won wa ka ujor wa mih naka Jowai Block Congress Committee, kawa pynbaad wa oo da pyrchang u wow yalap Election ya u boo yong oo wow paan ticket na ka Congress wow yaleh pyrchah ya u symbood Montri Rangbah ka jylla u Dr. RC Laloo, u MLA ka Nartiang da ong wa ini pynyoo ko wa kiwa mihkhmat ka Jowai Block toh kiwa dang biej.

“Ka Congress toh ka Party yong waroh wei kiwon kiwon ye ki u paan ticket naka wei i rai khaddooh chong ha ka party wow e ticket” da ong u Sniawbhalang.

Da pynksan u leh deiwa ong wa naka Constituency yong oo em arngut kiwa paan ticket naka party Congress wei ymtip cheiyi u e rai ka Party.

(Feature Photo-File Pic)

Advertisement ad1
Share this:
Previous

Ka esikai ya kiwa pathai khubor wa 3 sngi hei yatoh wa i kylla i rukom man ka suiñbneiñ

Next

Pynche u Prestone yei pyndam u lat ya ka Administrator Rule ha GHADC