Ka Tympang Club Iawmusiang Jowai daw pynman ko ya ka Fete ha ka 17 waka 18 tarik uni u bnai Wisu (Mar) 2023 kawa daw pynman ha madan Tympang Club wei ha kani ka Fete daw pynhle nasib leh ya ka poisa kawa dapoi Rs. 3 lak kawa man kamni ha wah:
1st Prize- Rs. 1,50,000
2nd Prize- Rs. 1,00,000
3rd Prize- Rs. 50,000
Da em leh 5 tylli ki Consolation Prize hei dor wa Rs. 10,000 kawi ya kiwa jop.
Daw wan pynwyrngia leh da kiwa tem wa ka DJ ha ka 17 tarik heiwa kiwa tem toh kiwa tip kam ki Thunder’s Cave kiwa na ka chnong Nongstoin waka DJ Jelly kawa na sor Shillong.
Ha ka 18 tarik won daw em kiwa tem wa tip pyrtuid kam ki Grassroot kiwa na ka chnong Jowai wei daw em leh ka DJ Raven kawa na Guwahati, Assam.
Daw em leh ka Housie ha ka 17 tarik wei kiwa jop ye ki wow yoh hadooh Rs. 25,000 katwa ha ka 18 tarik nawon daw em biang ka Housie wei kiwa jop daw ye ki wow jop hadooh Rs. 50,000.
Daw em leh boon ki jait yalehke ha kani ka Fete kiwa daw pynka-it mynsien ya ki waheh kamjooh leh ya ki khynnah.
Kamtæ da khut ya phi ki paidbah wow wan cha kani ka Fete yong ka Tympang Club yow man ko kawa chongchit wei kawa jop.
