Jowai : Ka Inter School Basketball Tournament 2016 wa pynman da ka ophis u District Sports Officer ynne ka sngi da poi ko cha wa kut heiwa ya ki yakhun Final ka kynthai da pynman ha pyrdi ka St. Mary Mazzarello HS School, Jowai wa ka Police Public Secondary School, Jowai. Ha ka yong ki chynrang won da pynman ha pyrdi ka Northeast Adventist College wa ka Government Boys’ HS School.
Ya kani ka Tournament da pynman ha madan Basketball wa em ha jan ka Kiang Nangbah Stadium Ladthadlaboh, Jowai.
Ha ka yakhun Final ki kynthai ka Mazzarello da jop ko ya ka Police Public da 10-03 point.
Ka Final yong ki chynrang man ko kawa yoosuk bha heiwa ka Adventist College nadooh wa sdang ka yalehke da pyntam point boon ko ya ka Government Boys tangwa ka Government Boys’ ym em dooh mynsien ko heiwa da sdang ko u su kylliang ya ki point suki suki hadooh wa kut ka yalehke da jop ko 30-28 point.
Ha kani ka sngi u kongsan u ma EMH Passah Working President ka WJDSA ha chwa wow saam ya ki Trophy cha kiwa jop da ong u wa ki skur emkaam ki u pynman ki yakop ha jar jiar ki skur yow ku ka yalehke Basketball khamtam ya ki kynthai neibhah ki kaam sports katni ye u im ja na ka.
Discussion about this post