Jowai: Ki bor distrik iong ka West Jaintia Hills ynne i step da pynman ki da ka Green Campaign Day kawa da pynman deilang wa ka Chief Minister’s Youth for Green Campaign Movement kam chibynta u leh warom ia ka Gandhi Jayanti ka sngi kha u Mahatma Gandhi. Ia kani ka Green Campaign da sdang da ka ialang wa man ha pachem ka opis u DC heiwa da em ki khynnah skur iong ka St. Mary Mazzarello, Ka Government Boys Higher Secondary, Seiñ Raij Higher Secondary wa kiwi kiwi ki skur.
Ki khynnah skur da chim kti u pynkhooid ia ki rood ki chmiang ki luti syngkein ka Iawmusiang deiwa sdang ki nadooh na khmat ophis u DC chadooh Lad Kynrooh Saphlang.
Da em leh ha i jooh i por ia ka pynkhooid da ki nongkhaïi ka iaw kiwa da pynkhooid ki ia ka iaw CNI deilang wa ki dukan, ki thaw dai doh, dai dakha kiwa em ha boon ki bynta ka Iawmusiang nadooh na chrooh ka Iawmusiang Super Market, kiwa em cha thaw pynyien kari nadooh thaw yien kari lai War chadooh cha Loom Soo yung.
Da chem leh wa ki tre dukan waroh da pynkhooid ki ia ki dukan iong ki, wei em leh kiwa biah rong thymme ia ki dukan ki.
Ia ki jhep da pyllang ha ki thaw wa da booh kiwa da kit da ka Municpal hadien wa da kut kani ka pynkhooid iaw.
Discussion about this post