Ka HNLC siat yap ko pyn ya u bru yong ka neidaw ka poisa: Pulit

Shillong: Ka chnat pulit da kyntait ko ya i pynbaad ka Hynniewtrep National Liberation Council (HNLC) wa u Romeo Lyndoh (wa chah siat yap) toh u bru ki pulit, tangwa ka HNLC da siat ko pyn ya u dkhot yong ka neidaw ka kaam poisa.

Hawa klam wa kiwa pathai khubor ka Superintendent of Police (SP) ka East Khasi Hills, ka Claudia Lyngwa da ong ko wa u Romeo toh uwa yarap wa paw bha yong ka seiñ, wei ha u snem 2016 da kem ya ka kari yong oo kawa kit tiar tympdung wa ki dkhot ka HNLC kiwa thmu wow leh ki kaam ha nongbah Shillong.

Da ong ko wa i kam ka HNLC toh i wymye u man neibhah wa chimpor hadooh 3 snem wow chem ya u Romeo khamtam wa man u u bru wa boonkaam wow pynlai ya ki tamasa. Da ong ko wa ka Lapalang toh ka chnong wa khian wei ym palat ya 300 tylli ki manyung wei kiwa chong chnong tip bait ki lada wan ki bru wa phylla wei ha i miet wa chah siat u Romeo ki paidbah da yoo ki ya ar ngut ki bru phylla heipor janmiet.

Ka SP da ong ko wa em leh u heh ka HNLC na katai ka chnong Lapalang uwa tip kam u Donboklang wei khut sin ki oo u ‘Talangrwai’ uwa da pynemkaam neibynta wow thooh ya u.

Related posts

Chah thombor ka khynnah wa dang 6 snem | Wan pynlait ka manbei, yut u bru wa thmu leh sih

January 18, 2026

Kem ki pulit ya ar ngut ki khynroo chirup ka Pistol wa i drugs

January 18, 2026

Wei iwa phylla toh wa kini ki bru da khut ki ya u Romeo dei pyrtuid sin ‘Bahlieh’ iwa mut wa man ki kiwa tipmit ya oo.

Ka SP Claudia da ong ko wa u Romeo toh uwa yarap wow khrong poisa ya ka HNLC, tangwa ha ki snem wa da lai da man u uwa rhah poisa wei da im pahuh u wei da thied kari thymme u khlem phah poisa de cha ka seiñ kamtæ ye u man ini i daw wa ka HNLC da siat yap ko ya u Romeo.