Jowai : Ynne ka sngi u WYRTA da yoh u wow sakhi ya ka thawsah næ ka Boys Hostel yong ka Jowai Polytechnic, hei yahkhmat kiwa yalam ya ka Students Union kani ka thaw puræ.
Ha kani ka Hostel da em pyllat 90 ngut ki khynnah khynroo puræ wa sah. Hei yoh u sakhi ya kani ka Hostel da man ko ka thaw wym hoi de u sah neibhah ka um leh ymhoi u dih, ki kamra leh man ki kiwa da khoh ki rong, ki thawsait kti, thaw baam thawsum man ki kiwa tngit kiwa jakhlia.
Kani ka hostel ki yit ha ki khiandwar man ki kiwa da piah iwa booh ya kiwa sah hei ma neibhah em ki khiandwar kiwa da tkut da kheiñ ki nar grill iwa ye ki bru wasih u psiah u mih katwa ngait.
Ki khynnah da pyntip ki leh wa ym em warden ha kani ka hostel katwa kamtæ ki khynnah yamih yapsiah ki katwa ngait.
Ki khynnah da pyntip ki leh wa ha kani ka hostel katwa tngit ware ka thaw baam ki khynnah dei langer rah ki yei ja jar jiar ki kamra yong ki.
Ki chram ki dwar man ki kiwa da jæd kiwa da liar dak da ñiaam rong wa kiwa da piah lut ki dwar kiwa da syrtap hieh da ki pyrthap lyngkhot wa da ki kot.
Ki thaw lai mihlait man ki kiwa tngit kiwa da chah kset (blocked) wei da pyntip ki leh katwa tngit ware ki top um jooh thied ki dei thied ya ka umbaam.
Neiliang kiwa yahkhmat ya ka Union da pyntip ki wa i daw wa tngit wa sma ka hostel toh neidaw wa leh habra ki khynnah du neidaw wym em wapait wa yoo næ wym em warden ha ka.
Da kyntu ki khynnah na ka sorkar wa na ki bor wa pait yei puræ puthi yow chimkhia ki yeini waroh.
Discussion about this post