Neiliang ka HYC wa ka COMSO da pynche ki wa hadooh katni ym em bynta ki ha ki kaam wow pynkulmar næ wow thang kari kamjooh ki yakhih wa ktah yei chongsuk ha ka jylla hi waroh kawi.
Da ong ki wa kam ka satri ki seiñbhalang sdang ki ka luti wa jai-jai wei u pteiñ ko yei yakhiah iwa jai-jai.
Da ong ki wa i kem ki pulit ya ki dkhot ka seiñ hajrong i suba wa emkti u thang kari ha ki sngi wa dadep, man i kaamram yong ki wei neiliang ka seiñ da ong ko wa ym pdiang ko wa ki dkhot ka seiñ u chah kem ki kamjooh leh ym em u phah ya ki dkhot wow leh ya kam kini ki kaam.
Da phylla ko leh wa ki pulit pyrchang ki wow khleh ya ki kaam yung wei i yatoh payu arbei u President ka seiñ uwa man leh u Chairman ka CoMSO wa uwi na kiwa chah kem hajrong i suba.
Da kylli ko wa iyi embynta i yatoh chi payu arbei wa ini i kaam. Da e nongmuna ko leh wa lada em kiwa hayung ki pulit, ki montri, ki MLA wa kiwi kiwa emkti ha ki kaam pyrchah aiñ toh hi mo wa kitæ ki pulit, ki montri u chah pynbaad lang ki?
Da kyntu leh ya ka chnat pulit wow kiar u khleh ya i kaam ka seiñ wa i yatoh chi yung.
Discussion about this post