Ynne ka sngi ka dhab ki montri ka sorkar jylla namo ka Cabinet da pdiang ko wow thap ya ki le tylli ki Public School ka jylla wa kynthup ya ka Jowai Public School wa ka Pine Mount School hapoh i pait i yoo ka Directorate of School Education & Literacy (DSEL).
Katkam wa man kattæ waroh ki skur ha ka jylla nadooh ki kyrdan wa khian hadooh kiwa heh (Elementary hadooh Higher Secondary) ha ka jylla, em ki hapoh ka DSEL lait noh ya le tylli ki Public School wa ka Pine Mount School, Shillong.
Kamtæ khnang wow wanrah ya i rukom esikai wa salonsar ha Meghalaya, da sñiaw wa emkaam wa waroh ki Public School (Jowai, Tura wa Shillong) kamjooh wa ka Pine Mount Schools u em noh ki hapoh i pait i yoo ka Directorate of School Education and Literacy.
