Ka Judicial Inquiry Commission wow tih bniah yeiwa jia ha Mynsngat-Thangskoo: Prestone

U Symbood Montri Rangbah ka jylla uwa pait leh ya ka Kaam Pohyung (Police), u Prestone Tynsong da ong u wa ka sorkar da phah ko ya ki bor pynlai District ka East Jaiñtia Hills wow leh deiwa eh wei wow khang noh syndon yei kaam tih mooyong wa pyrchah aiñ ha ka thaaiñ.

Hawa klam wa kiwa thoh khubro ynne, da ong u wa ka sorkar kut wa tip yei em kiwa tih mooyong pyrchah aiñ da leh bait ko deiwa eh, wei da pyntip u wa hapoh 10 sngi ka sorkar daw phah ko ya ka Affidavit cha ka High Court.

Hawa kylli hajrong i chah pynbaad wa i tih mooyong pyrchah aiñ toh deiwa tip ka sorkar, u Prestone da ong u wa hawa kam ini wa jia, ka sorkar da leh ko yei kaam wut-wut. Tangwa heiyatoh wa iwa jia ha Thangskoo, da ong u wa da jia cha khloo wei da chimpor hadooh kawa 3 kynta na sarokbah yow poi cha katai ka thaw, iwa da wanrah yei eh ya ki pulit wow chem ya kam kini ki kaam.

Related posts

Yap u manpa, mynsoo joor ka khon hadien wa chah yooh ha ka Roller | Yoh lut ka CCTV u riñ yeiwa jia

May 9, 2026

Dawa ka JSU wow wanrah da ka aiñ yow pynbait yei rukom chim bai skur

May 9, 2026

Da ong u leh wa neiliang ka sorkar kattu daw leh ko deiwa eh yow pyntikna wa kini ki kaam pyrchah aiñ u khang noh ki sbak chisiendon.

Heijooh i por u Symbood Montri Rangbah da ong u wa ka sorkar da thung ko ya ka Judicial Inquiry Commission hajrong iwa jia ha Mynsngat-Thangskoo, wei mar ya yoh ya u Chairperson daw e kti noh ha ka Commission yow tih bniah yeiwa jia.