Pyrthai wa che kawa katni,
Dap sadu ki bichni ki lorni;
Chawah chaneiñ da yoo tieñ wow pait,
Chynrang-kynthai leh katwa ngait.
I por kattu wym yatoh de,
Su ki leh khyllah wa pynthame;
Wym em wa beij wa stat wa nang,
Ka jooh i riam kynthai-chynrang.
Burom-Akor da sdang haap tlor,
I daw waroh wym em kheiñkor;
Sep-ai manbru yong i kattu,
Wym poi de cheiwa mut wa thmu.
U pa wa ka khon wa lai emkaam,
Dei chikhynroo dang nood ki bru u klam;
Kat wym dep por de kiru u pait bniah,
Klam jyndu jyndat kam klam synthiah.
Sumaar syndong na ki kaam wa sih,
U thylliej wa bakla ham jooh pynmih;
Ya ki boi ki diah to sneiñ to kroo,
Sdang chwa na yung phi ki khon khynroo.
Discussion about this post