Ki pulit da pyntip ki wa haka 11 tarik uni u bnai heipor 8:30 i miet heipor wa thooh ki yei suba wa em ki seiñ kieñ suloi ha ki khloo ka South Garo Hills District khamtam ha ki thaaiñ ka chnong Bolbokgre da chah siat syndet ki ha ki dkhot ka ULFA.
Ki pulit kiwa em ha ini i por toh ki SF-10 kiwa da pynuiñ kuli wei ka yasait da man ko kawa joor, kini ki seiñ kieñ suloi da sdang ki wow siat neidaw da jan chem ki pulit yei thaw rieh thaw dem ki tangwa deiwa chim kabu yei doom ka miet da yoh ki wow yut wei da ieh ki chadien yaki tiar yasiat.
Hadien wa kynreh ki pulit ya ini i thaw da chem ki ya kawi ka AK81 Rifle deilang wa ki kuli, ar tylli ki Rifle, 3 tylli ki pistol, ki kot ki sla wa kiwi kiwi de.
Kini ki dkhot ka ULFA kiwa da yasiat wa ki pulit da suba toh kiwa yajan bha wa u Drishti Rajkhowa u Deputy Commander-in-Chief ka ULFA wei oo leh da suba wa emlang u ha ini i jia.
Discussion about this post