Da u: OR Shallam, Panaliar Jowai
Ki 50 tylli ki snem man jylla ka Meghalaya ini da poi i, katwa ka chnong Jowai wa maya yong i tang i thaw noh jhep leh ym em, ha Jowai kiwa mihkhmat man ka san snem da ong ki wa ka toh i dur ka Ri-loom Jaiñtia.
Cheiwon ki MLA wa em yei kitkhlieh, cheiwon u Montroi pynroi sor katni? Ha kini ki kajiak sngi wa da dep da koob u wa daw pynyoh thaw tangwa du hadien kattu katni sngi ha i wa da pynyoh leh da chah beh noh ki wakreh ka Municipal.
U MLA ka Jowai da khut yalang u neibynta ka Jowai Smart Town, ham pynboon kaam ya kini kiyi kiyi, pynyoh cha ya i thaw nohjhep, neitæ da kular u ya ka Iawmusiang iwa da khana u hakhmat ki laad pathai khubor wa daw pyndep chna noh, heiwa u pli i kular iwa du ha sniehktien kamwa ong ki Jowai.
La katwon tylli ki snem wa da lai wa da yooo kthang u pait ya ka yaw. Kyrpaad O ya waroh ki Waheh Chnong ha Jowai wa kiwa chong chnong wa emburom pyrkhat wow khut smat da ka Rally yow yaklam ya ini i kaam wa khia yong ka chnong Jowai wa maya.
Ham chah pynbiej ha kiwa yahkhmat kiwa klam du neibynta wa em ha ka Politics neibhah emkaam wow ya tylli wow yaleh pyrchah ya ini i jakhlia kawa da ktah yei chait i khiah waroh.
Nga sñiaw O wow ong heini wa man i kam ki khonswet ha i jhep.
