Ka jylla ym toh u yang ko hadooh wa chah damok haka sorkar pyrdi yow pynkrehkaam ya ka aiñ kiwa chongdai madan

Ka Meghalaya & Greater Shillong Progressive Hawkers & Street Vendors Association (MGSPHSVA) kawa man ka seiñ kiwa chongdai madan, ynne ka sngi da yachem ki waka Chief Secretary yong ka jylla yow e biang ya ka dorkhat neibynta wow pynkrehkaam noh smat ya ka aiñ yong ka sorkar India kawa yatoh wa kiwa dai chondai madan.

Deilang waka dorkhat da e leh i thoh yow e yumut kammon wow pynkrehkaam ya ka aiñ wei da e lang leh wa ki Rule wa da pynkhreh da ka seiñ hi.

Ha ka yaklam kawa da neh kamwa 15 minit, neiliang ka seiñ da kdaw ko kammon wow pynkrehkaam ya ka aiñ kyndon pa kyndon wei deiwa ya krehlang daw ye u pynbait wei ha i jooh i por wow yada yei hok kamai jakpoh yong kiwa chongdai madan wei wow pynkyllooid kamjooh wow pynmiat ya ka nongbah.

Kani ka yalang kawa da man ynne da man ko leh hadien wa ka Parliamentary Standing Committee yong ka yong yung dorbar chna aiñ ka India kawa pait ya ka Housing wa Urban Affairs da takit bniah ko wa ileh wa ka jylla Meghalaya ym em pynkrehkaam ko ya ka aiñ yong ka sorkar India, katæ ka (Protection of Livelihood and Regulation of Street Vending) Act 2014.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Parliamentary Standing Committee da chem ko leh wa ki kyndon kiwa em ha ka aiñ wa da chna da ka sorkar jylla neibynta kiwa dai madan da tyngkhooh ki wa ki kyndon yong ka aiñ wa da chna da ka sorkar India wei kamtæ ym ye wow pynkrehkaam. Kamtæ ka Parliamentary Standing Committee da kyntu ko wow phah joor ya ka sorkar jylla wow chna noh ya ki Rule wow pynkrehkaam noh smat ya ka Central Act katwa ye.

Ka MGSPHSVA da sñiawkmen ko wa iyi wa da dawa ki katni iwa da jan dap 6 snem da jan mankaam ko. Nadooh u snem 2016 ka seiñ da yakhih ki deiwa joor wei da phah la 20 tylli ki dorkhat wa i thoh cha ka sorkar jylla wow pynkrehkaam ya ka Central Act namo ka aiñ ka sorkar pyrdi. Tangwa iwa sñiawsih wa ym em uwi leh u Urban Minister lane ki heh sorkar kam ki Chief Secretary wa kiwi kiwa bna wei da suki hi-eh ki yeiwa dawa wa i e yumut yong kiwa chongdai madan kiwa man leh kiwa chong chnong.

Ka seiñ da ekti ko leh ha ka Chief Secretary yei e yumut heiwon i dur kiwa chongdai madan u pynlai ki ya ka kamai kajih kahmatam ha kini ki por wa chitom kreh wei ka sorkar ym toh u yang ko hadooh wow chah damok ha ka sorkar pyrdi yow leh ya iwon iwon deiwa yooluti wa ha kani ka kynti ym toh de u pynslem yei kaam.