Ka Meghalaya ym ye ko u pyntam ya ka thong wa da booh da ka Arunachal Pradesh ha ka Innings wa nyngkong hanla yoh 50 Run u Md Asif Khan ynne ka sngi wa le ka Col CK Nayudu Trophy ha Cuttack.
Deiwa pteiñ da 197/2, ka Meghalaya da haap lut ki Wicket ko da 303, iwa mut wa ka Arunachal da tam ko da 81 Run. Ka Arunachal da pynkut ko ynne ka sngi deiwa yoh 69/1 heiwa ka yalehke da yoo lakam daw kut ko khlem em wa jop.
U Abhishek Gupta da ye u wow kamai sa 5 Run ynne wei da haap u deiwa kamai 87 Run, wei hadien chi Over, u Captain ka Meghalaya u Swastic Chettri (34) da haap u deiwa chah Run Out.
U Khan da e kyrmen u ya ka Meghalaya deiwa kamai 56, wa kynthup ya 9 tylli ki 4 Run. Da ini da yarap u wow pyntam 300 Run chwa wow haap lut ki Wicket deiwa kamai 303.
U Agreas Chamcham Sangma (1/10) da ye u wow pynhaap ya uwa Bat nyngkong ka Arunachal kawa da lai wow kamai 150 Run khlem dooh Wicket yow pteiñ mynstep ka sngi wa khaddooh ka yalehke.
