15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ka Kangra Tea ye ko wow pynduna yei bor u Coronavirus, ong u Director ka IHBT

0 Comments

Ka Indian Council of Medical Research (ICMR) ye ko wow kylliang noh ya i dawai Hydroxychloroquine (HCQ) da ki dawai wa pynemkaam wow sumaar ya kiwa em HIV namo ki Anti-HIV Drugs yow pynkhlan yei bor i doh i pran wow yada pyn ya i-dæ yow khanglaad yei ye u khñiang COVID-19 u pynkha boon chooh chooh.

Tangwa ki bor dawai wa em haka slacha Kangra Tea ye ko wow pynkhlan yei bor i doh i pran hadooh wow khanglaad ya u Coronavirus bar yaki dawai HIV, da ong u Dr. Sanjay Kumar, Director, Institute of Himalayan Bioresource Technology (IHBT), kawa em ha Palampur, Himachal Pradesh. U Dr. Kumar da khana u yeini heipor wa yaklam haka Webinar wa pynman daka IHBT haka International Tea Day.

Hawa e Lecture, u Dr. Kumar da klam u yei myntoi naka Kangra Tea iwa ye ko wow e yaka imlang sahlang, ka khayi pateiñ, i sap dawai wa em ha ka iwa yarap yei chait i khiah ki bru wa ki stat (Technology) wa da pynkhreh daka IHBT wow yaleh pyrchah ya u COVID-19. “Deiwa pynemkaam yaki Computer-Based Models, ki Scientist da paitbniah ki yaki 65 tylli ki Bioactive Chemicals lane ki Polyphenols kiwa ye u e yada rap bha bar yaki dawai HIV kiwa da chah wow pynemkaam ya kiwa yoh ya u COVID-19. Kini ki sap wa em ha kani ka slacha ye ko wow pynsangeh yei boor u khñiang, u kha pynboon manda em u hapoh i doh u bru”, da ong u Dr. Kumar.

Ka IHBT toh kawa chi bynta ka Council of Scientific and Industrial Research (CSIR), kawa chna wa pynmih yaki Alcohol-Based Hand Sanitizer wa em leh wa iwa da sai naka slacha (tea extract and natural aromatic oils) lyngba i stat Technology yong kiwa ya krehlang waki. Kani ka Institute da dep chna ko leh yaki Herbal Soap wa em waki Tea Extract, Natural Saponins khlem pynemkaam yaka SLES (Sodium Laureth Sulphate), SDS (Sodium Dodecyl Sulphate) wa Mineral Oil. Kini ki sabon toh kiwa man kam ki dawai (anti-fungal, anti-bacterial) wei ya ini i sabon da pynlai yaw daki ar tylli ki Company wa na Himachal Pradesh.

U Dr. Kumar da ong u wa i chna yaka cha wa tip kam ka Ready to Serve Teas waka Tea Wine da e cha ka M/s Baijnath Pharmaceuticals katwa yaka Tea Vinegar Technology da e cha ka Company wa em ha Dharmshala. Da ong u leh waka Tea Vinegar toh kawa ye u pynduna ye sngaid kamjooh ki Herbal Green wa Black Teas wa da khleh waki jait thung AYUSH da dep wow sdang ki wei kini daw yarap ki wow pynkhlan yei bor i doh i pran wow yaleh pyrchah ya u COVID-19.

Previous
Next

0 Comments

Leave a Reply