Jowai : Neiliang u Wyrta ha kani ka kynti u wanrah i cha phi da ka Kchaaid Krem Myrsiang kawa em pyn ha Jowai tangwa boon hi ki wym pu em wa poi cha ka.
Kani ka kchaaid em ko ha u Loom Darang wei man ko ka thaw kawa yoosuk kawa pynngngad bha kawa em leh boon kyrdan.
Yow poi cha kani ka thaw ye phi u pynemkaam boon ki luti kawi toh na Dulong, Pohali bood yow surok na thaw thangbru chadooh wa kut u dep tæ lai dei kjat hadooh wapoi phi hajrong u loom wa khut ki Khlieh Myntwa.
Kani ka kchaaid em ko mar pyrchah uni u loom wei manda hiar phi oo uni u loom haap lai phi tymbud ka baan kawa khut pyrtuid ki ka Baan ka Bro. Manda poi phi hawa kut kani ka baan ha kdong ha khap i khloo em kani ka kchaaid wei haap ku phi na luti kjat næ ku pyn na ka hi yow yoo ya kiwi ki kyrdan kani ka kchaaid.
Ka kchaaid wa jrong dooh em ko palat 40 phut i jrong wei kani ka um wa wan ha kani ka kchaaid toh kawa tuid na ka chnong Loompharæng Mihmyntdu.
Sa kawi ka luti yow poi cha kani ka kchaaid toh na Loompharæng Mihmyntdu deiwa hiar bait chawah cha ka wah Myntdu.
Sa kawi ka luti toh u hiar cha surok wow lai cha Treriat (Syntuksiar) chwa u poi ka dong wow poi phi ha Wahlanghung na tidiang em u surok psiang wa chna ka tnat Soil & Water Conservation lai hawa kut yow poi phi ha ka luti kjat wei bood ya ka luti kjat cha timun daw yoo phi ya ka Baan ka Bro tæ lai won kamwa da batai hajrong.
Na Khlieh Myntwa ye phi leh u yoo yei miat ki hali wa ya ka Wah Myntdu wa chibynta ka Pynthor wah.
Discussion about this post