Ka 17th U Kiang Nangbah Memorial Trophy kawa man leh ka Super Division 2025 kawa kyrchaan da u MLA ka Jowai, u Wailadmiki Shylla, hadien wa da sahteiñ i pynman ya ka yalehke Final, ynne da yoh ya ka Champion thymme da ka Khimusniang SC.
Ka yalehke Final wa da pynman toh hapyrdi ka Khimusniang SC wa ka Ladthadlaboh SC heiwa ka yalehke hadooh wa kut i por wei pyntam por ym em wa yoh u thap kool, kamtæ ka yalehke dapoi ko chei yachut Tie-Breaker heiwa ka Khimusniang da jop ko da 4-2.
Yei naam Man of the Match da yoh u Reform Pale (Khimusniang).
Yei naam Best Goalkeeper da yoh u Ialamlang Biam (Ladthadlaboh).
Yei naam Top Scorer da yoh u Primrose Lamat (Demthring).
Yei naam Player of the Tournament da yoh u Mediphrang Pohleng (Khimusniang).
Ka Khimusniang SC kam ka Champion da yoh ko Rs. 1 lak katwa ka Ladthadlaboh kam ka Runner Up da yoh ko Rs. 50,000.
Discussion about this post