Waroh waroh ka pyrthai da tip da bna,
Wa tieñ ya kani ka kjut khlam Corona ka ri China.
Khor sang kani ka kjut khlam hadooh kat deini,
Wa ki jan yung jan sem wym nood de tang u ksoh kti.
I khmut i ktien haap ya tymmoh lut waroh,
I kti khlem sait khooid cha ki bynta met ham pyntoh.
Marjan wow ya yieñ leh duhai wym hoi,
I bih yong u Coronavirus kam ka la-ær wa poi.
Ka China toh sakhiat ka ri ka wa maa paya,
Hun bait ko i u tynyap da ka la-ær bih Corona.
Waroh ki ri ka pyrthai da sñiawsih ki yeini i leh yong ka,
Yeini i leh stat du pha donhi ri China.
Khon ka ri, Social Distancing emkaam bha ko katni,
Kamwa 2 meter toh u yajngai na u wi pa uwi.
Ya syndong mo khon ka ri wa maya jar i doh i pran,
Hei thied i pet khamtam heini por ham sya ham jhan.
Na mynsien ngooh O ya me Blai kynrad,
Khang kah ya kani ka kjut khlam ha man ki laad.
Ham e laad u wan kani ka Coronavirus cha ri yong i,
Beh ka Blai cha wa sep wa soo ka sngi.
Discussion about this post