Ka seiñ Jaiñtia National Council (JNC) da phah ko yaka khubor sñiawlem cha ka yung ka Kong Jngiar Lyngdoh kawa man leh ka bei u President wa khliehdooh ka seiñ kawa da khlaad noh ynnin ka sngi heipor kamwa 2:30.
Ka Kong Jngiar Lyngdoh da kjut chitom ko la kamwa 3-4 bnai iwa da chim noh yei mynsien i yong ka, wei i khlaad yong ka da wanrah i yei dooh nong khamtam haka yung ka sem.
Ka seiñ da booh ko hei duwai neibynta ka yung ka sem wow yoh ki dei chait i nang wei u yoh ko leh yei pyntngen mynsien haki kti wa embor u Blai Kynrad najrong.
“Lai suk lai saaiñ chakhmat u Blai, kyrkhu kyrdoh yaki khon ki kti ki ksu yong phi, kyrkhu leh yaka yung ka sem, yaki payu para, ki kur ki jait, ki lok ki jor ki yong phi, e wa ka mynsien yong phi u emlang ko chirup wa u Blai Kynrad heitai hajrong”.
Ka niam wa khaddooh u pyndep neibynta yong ka Kong Jngiar Lyngdoh toh heipor 2:30 i sngi ka 05-05-24 ha loom tlep-bru ka Balang Presbyterian Khliehriat wei i thaw sah yong ka toh hajan ka yungmane ka Balang Catholic Khliehriat.
Discussion about this post