Ka Thma U Rangli Juki (TUR) da dap ko da i sñiawsih kawa khroo wow tip ya i khlaad noh ka Kong Spelity Lyngdoh Langrin.
Ka TUR da pynsñiaw ko yei dap ram chiboon yaka kong Spelity kawa da mylliñ yei myntoi yong samen wa i chlur mynsien yong ka wow yieñ pyrchah ya i tih Uranium ha ki thaaiñ Domiasiat-Wahkaji.
Kamtæ ka TUR da ong ko wa kini ki dak kjat yong ka toh u man ki kam ka nongmuna wa khroo ya i waka pateiñ wow wan yow bood i.
I khlaad noh yong ka man ko i dooh wa khroo ym du ya i yung i sem, yaka thaaiñ, wot yaka ri wa ya i kiwa dang sah kiwa dang hap wow yakhun wei ya ksaid pyrchah ya ki bor kiwa thmu wow tih ya u marpohkhydaw Uranium na ka jylla yong ngi.
Ka TUR da phah ko ya i sñiawlem cha ki khon ki ksu wa cha waroh kiwa emyatoh wa jan wa ka Kong Spelity wei da duwai yow yoh yei chong ngiah wa junom wei ka yung waroh kawi wow yoh ki yei tngen.
E wa i chlur yong ka Kong Spelity daw e mynsien ko ya i wa ki ktien yong ka kiwa ong “ka klur tyngka ym ye ko wow thied ya i laitlooid yong nga” wow man ki ki tien im sngi ya i wa ki pateiñ wow wan.