Katkam ka khubor wa da phah da u Eleazer C Dkhar, President UDP Mowkaiaw Constituency, da ong wa kam ka Party UDP dap ko dei sñiawsih khtang hajrong i khlaad syndet u Damanleki Lathong uwa man u bru wa kyrchaan bah ya ka seiñ, uwa da khlaad ynne i step ha Dr. Normal Tunnel Hospital Jowai.
U Damanleki Lathong da man kyrpang uwi uwa kyrchaan bah ya u MLA Nujorki Sungoh ha kini ki Election wa dadep (2018), da man kyrpang u leh uwi uwa hakhmat dooh heiliang i klam pynsñiawthooh paidbah.
Ini i khlaad syndet yong oo da man i dooh wa khroo ya ka UDP, da ong u Eleazer C Dkhar.
Kamjooh kiwa phah khubor sñiawlem da yoh na u MLA Ka Mowkaiaw u Nujorki Sungoh wa na u Lasky Rymbai, Deputy CEM.
To u Blai Kynrad wow emlang u wa u (L) Damanleki Lathong, chongsuk chongsaiñ chi rta ki sngi.
