theme-sticky-logo-alt
theme-logo-alt
Advertisement ad1
Advertisement ad1

Em kiwa ngait wa i tika toh u 666: Waheh Chnong, Khonglah

Advertisement ad1
Advertisement ad1

Ki bor pynlai chnong katni da chem chitom bha ki wow pynsñiawthooh paidbah wow wan ki chaphrang wow chim tika yada COVID-19 neidaw wa slah ap ki ya ki khubor hamsaya.

Ynnin ka sngi da yoh u yaklam wa u waheh chnong ka chnong Khonglah, Amlarem Sub Division u Warning Khonglah heiwa da ong u wa nadooh u snem 2020 da kreh ki pyrchah ya ka khlam wei ha kani ka kynti wa wan ar sien kani ka khlam da em 53 ngut kiwa da chah ktah ha u COVID-19 wei da em 2 ngut kiwa da khlaad.

Advertisement ad1

Da ong u leh wa neiliang ki bor chnong da lai ki cha ki manyung wow pynsñiawthooh hajrong i myntoi wow chim tika heiwa da chem wa boon kiwa ngait ya ki khubor hamsaya wa poor lyngba ki Social Media wei da em kiwa da boohteiñ wow chim tika.

Chooh chooh da ong u wa em kiwa ngait wa ini i tika toh wow pynduna wei pyndooh khon.

Da ong u leh wa em kiwa ngait niam Christan kiwa ngait wa uni toh utæ u 666, wei em kiwa tieñ wa ya yoh kjut hadien wa chim tika kattu katni sngi iwa daw ktah ya ki hei khih i kreh khamtam ini i por toh wow thung pathi, wa kiwi kiwi.

Heijooh i por da em leh kiwa da heh rta kiwa da ong wa la kat ki yi myntoi wow chim ya i tika.

Hajrong kini kiyi kiyi waroh neiliang u Warning da kyntu u ya ki paidbah wa chong chnong wow wan ki chaphrang wow chim ya i tika wow yada ya ka yung ka sem wa ka chnong ka ri hi waroh kawi.

Share this:
Previous

Lada ka sorkar ym ye ko wow yada ya u pood toh u e laad noh da ki paidbah

Next

Ka khubor wyrai yei khlaad noh u Damanleki Lathong