Ka KNGC toh kawa biang lut wow man kam ka Exam Centre ka CUET: JSM

Ka JSM da pteiñ ko yei dawa ya ka Exam Centre ha Jaiñtia Hills District, khamtam ha Jowai neibynta ka CUET (UG) deiwa lai cha ka sorkar kamjooh cha ka NTA da ka dorkhat lyngba ka yung krehkaam u Deputy Commissioner ka West Jaiñtia Hills District wei ini i dawa ka JSM u booh ya ka Exam Centre ha Jowai man i nadooh u bnai nyngkong u snem 2024 kamjooh ha uni u snem leh yei jooh hi ka seiñ da kyrpaad ko ya ka sorkar u booh ya kani ka Exam Centre ha Jowai.

Hadien wa mih i jubab na ki bru sorkar wa duna ki skur wa em Computer, na itæ i daw ym ye u booh ya ki Exam Center, wei hajrong ini ka seiñ da lai yachem ko wa ka Principal ka Kiang Nangbah Government College, Jowai yow pynsakhiat ya itæ wa duna Computer, tangwa katkam i chem wa ha kani ka College da biang ko ya ki Computer kiwa em hadooh 50 tylli iwa man da biang neibynta u booh ya ka CUET (UG) Exam Centre ha kani ka College kawa man leh ka College sorkar.

Ka seiñ da pynsñiaw chwa ko yeini i eh nadooh ki bnai wa dadep wa tip che ko wa ki College kiwa yasnoh wa ki Central University hap ki khynnah u thoh ya kani ka Exam neibynta u yoh Admission, tangwa ha ka jylla yong i neiyi i daw i jooh chi i jooh bait i rukom jia i kynrum kynram neibynta kani ka Exam.

Ka seiñ hei yachem kamjooh ha ka chithi wa da phah nadooh u snem 2024 cha u Montri ka chnat Puræ Puthi ka jylla, u Rakkam A Sangma da kyrpad ko ya oo wow pynbiang ya ki Computer ha ki skur sorkar neibynta i emkaam kamjooh leh u pynmiat pynbha ya ki skur sorkar kamjooh ki College wa em hapoh Jaiñtia Hills District.

Related posts

Operation Keller: Chiboon ki tiar yaleh yoh ki chipai na kiwa chah siat

May 14, 2025

Pdiang u Wailadmiki yei dawa wow pynman ya ka Jowai kam ka Summer Capital ka Meghalaya

May 14, 2025

Ka JSM da phah ko ya ka khubor cha ka sorkar jylla wow sñiawbha u leh ya iwa bha tam neibynta ki khynroo puræ kiwa daw puræ ya ka Bachelor’s Degree, lada i kynrum kynram em ki ha ka jylla neibynta ka CUET (UG) hapyrdi wa pynman Exam, daw pyntieñ i chiboon ya ki khynnah, kamtæ iwa bha tam toh u kyrpaad ya ka NTA wa ka sorkar India u pynlait chwa ya ka Meghalaya na ka CEUT(UG) ha uni u snem neidaw i eh wa maad kiwa yaleh Exam.

Wei kammon hi leh neibynta u lai puræ ha ki College wa em hapoh ka jylla hap u li thoh Exam chadooh ki jylla kiwa em cha palat ka Northeast, ini man iwa pyndooh mynsien næ kiwa kjit donhi ya ka puræ puthi na ki khon khynroo.

Kamtæ da ong wa hajrong ini wow sñiawbha u booh noh ya ka Exam Centre CUET (UG) ha Jaiñtia Hills khamtam ha Kiang Nangbah Government College.