Khliehriat: U District Magistrate, East Jaiñtia Hills District da pyntip u wa da em uwi u bru wa yoh COVID-19 ha Lad Rymbai wei uni u bru toh uwa dai jhoor wei ye u leh wow yajan wa ki kattu katni ngut ki bru.
Kamtæ neiliang ka Joint Committee ki soo dong ka Lad Rymbai namo ka Lad Rymbai Pyllun da kyntu ki ya ki bor District wow khangsbak, namo ka Lockdown ya ka Lad Rymbai khnang wow ye u leh yeiwa emkaam khnang wow lait nei poor uni u khñiang.
Da ong leh wa uni u bru da lai u cha kiwi ki thaw ka District kamjooh leh kiwi ki District ka jylla kamtæ da emkaam wow leh ya ka Contact Tracing khnang wow lait uni u khñiang u poor.
Kamtæ da rai wow pynman ya ka Lad Rymbai (Lad Rymbai Pyllun) wa kynthup ua ka Lad Rymbai- B, Lad Rymbai Datsimpein, Lad Rymbai Dongwah, Lad Rymbai Khliehdupon wow man kam ki Containment Area ka wow krehkaam nadooh i synyaw ka 3 tarik hadooh 6:00 i step ka 7 tarik khnang wow ye u leh yeiwa emkaam.
Kamtæ hapoh ini i por da khang ya ki bru wow mih wei wow psiah ki chapoh kini ki thaw.
Ya kiwa leh pyrchah daw pynchitom katkam ki kyndon ka aiñ Disaster Management Act, 2005 wa ka IPC.
