15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

33 ngut kiwa dang yoh wa 39 ngut kiwa da chait ha Meghalaya ynne ka sngi

Advertisement ad1
Advertisement ad1

Kiwa dang yoh ya u COVID-19 hapoh ka Meghalaya dang neh hi ki 33 ngut nadooh ynne i step katwa kiwa chait won da ku cha 39 ngut hadooh ynne ka 1 waje i sngi katkam wa pyntip u DHS (MI) u Dr. A. War.

Kiwa chait na ki 39 ngut toh 38 ngut ki BSF wa 1 bru paidbah.

Advertisement ad1
Advertisement ad1

Na kiwa dang yoh thymme ha East Khasi Hills, kiwa yabi na u Doctor ka Civil Hospital da em 4 ngut ki wakreh kani ka Hospital, 2 ngut kiwa yang ya kiwa kjut wa 1 wa thiah kjut, ki 7 ngut won toh kiwa liwan na baar jylla, 2 ngut ha NEIGRIHMS, katwa kiwi toh 8 ngut kiwa yabi para ki bru chipai wa 3 ngut ki BSF.

Kiwa yoh COVID-19 ha Civil Hospital toh kiwa em hapoh Quarantine wei ym toh kiwa liwan cha yung.

Kiwa dang yoh ha West Garo Hills toh u BSF (1), Ri Bhoi 1 u bru pulit wa 2 ngut na kiwi ki chnat chipai. Ha East Jaiñtia 1 wa dang yoh toh wa yabi na wa chongdai ha Lad Rymbai katwa ha West Khasi Hills (1) wa wan na Assam u bru paidbah.

Da pyntip u leh wa ha NEIGRIHMS da em waroh 24 ngut kiwa yoh COVID-19 wa kynthup ya 13 ngut ki wakreh wa kynthup leh ya 6 ngut ki Nurse wa 1 Doctor katwa kiwi toh kiwa chah sumaar wa kiwa yang yaki. Ha Civil Hospital da em waroh 11 ngut heiwa da em 1 Technician, 1 Doctor, 4 ngut ki Nurse wa kiwi toh kiwa chah sumaar wa kiwa yang yaki.

Kiwa dang em COVID-19 hapoh ka jylla ha ki District man ki kamni ha wah:

East Khasi Hills-496 ngut heiwa ki BSF da em ki 218 ngut, ki bru paidbah 224 ngut wa 54 ngut na kiwi ki chnat chipai.

Ri Bhoi- 46

East Jaiñtia Hills-16

West Jaiñtia Hills-14

West Khasi Hills-5

West Garo Hills-16

South West Garo Hills-4

South Garo Hills-2

Waroh kiwa dang em ya uni u khñiang toh 599 ngut, kiwa chait da em ki 252, kiwa yap 5 ngut iwa da pynpoi waroh 856 ngut.

Ki nongmuna kiwa da dep phah Test toh 37728 tylli, kiwa man Negative da em ki 36341 wei dang yang yaka Result ki 531 tylli.

Kiwa liwan waroh da em ki 24344 ngut hadooh 2 waje ynne ka sngi.

Share this:
Previous

Ka Lad Rymbai kam ka Containment Area hadien wa yoh COVID-19 uwa dai jhoor

Next

Dang kheiñ bait ka sorkar wa u Doctor ka Bethany toh uwa man Positive