Ynne ka sngi, kam i dak wow pyndooh noh yei chah thombor ki kynthai, ka yung krehkaam ka One Stop Centre (OSC) waka Disitrict Social Welfare Khliehriat da pynman ki ya ka lai paidbah namo ka Rally kawa da chimbynta da ka MACSWA (Mihmyntdu Community Social Welfare Association), u District Child Protection Officer, Khliehriat, u Teibor Kyndiah, ka Women Police Station Khliehriat, National Rural Livelihood Mission (NRLM) Khliehriat, Integrated Child Development Services (ICDS), ki Aganwadi Khliehriat, ka Chankylliang Development Society, Childline, ki ASHA Khliehriat, Khliehriat Police Station, Federation of Khasi Jaintia and Garo People (FKJGP) Khliehriat waka All Jaintia Environment & Social Welfare Society.
Da em leh ka yalang wa da yoh yei klam na kiwa mihkhmat ya ka Police Station Khliehriat hadien i klam wai phang naka Chairperson ka yaklang ka L. Kyndiah (Counselor) OSC wa i klam sdang da ka R. Passah, DSWO Khlieriat, kawa da pdiang burom ya waroh kiwa chimbynta wei da batai che ko leh wa i daw wa pynman ya kani ka Rally toh wow pynpoor ya ki khubor ha waroh kiwa chong chnong ka District wow yaleh yow pyndooh pyndam noh chi syndon ya ka kaam thombor ya ki kynthai namo ka Crime Against Women.
Da ong ko leh wa u pyndooh te ye u man i wym ye tangwa lyngba kani ka Rally ye i u pynduna ya ki kaam pyrchah aiñ deiwa rah wyrta cha waroh ki paaid yong ka ri.
Hadein wa da kut i yaklam wa tbian da sdang ya ka lai Rally deiwa lai na Khliehriat Police Station wei da pynkut ha One Stop Centre Khliehriat.
Ha ka One Stop Centre da yoh biang i yaklam wa khaddooh daka D. Lyngdoh (Para-Legal) ka OSC chaphang i chah thombor ki kynthai wa ki yarap wa ye u yoh na ka OSC wei da yoh leh yei klam na u General Secretary, FKJGP u Deihok Sumer neibynta wa kammon u pyndooh chisyndon ya kini ki jait kjut kiwa thombor ya ki kynthai ha kiwon kiwon ki bynta iwa da mih roi hapoh ka jylla wa ka District yong i.
Kani man ko leh kam chibynta ka International Day for Elimination of Violence Against Women heiwa ha uni u snem ka phang toh “Orange the World: End Violence Against Women Now!” kawa da leh 16 sngi.
