Jowai : Ynne da pynemwarom yei dap 13 snem ka Mookyrdup Youth Welfare Orgsnisation (MYWO), kawi na ki tnat krehkaam ka Mookyrdup Dorbar Chnong, Jowai deiwa pynman ya ka Food Fest ha Community Hall yong ki hi.
Chwa wow sdang da em ka yalang wa sdang heipor 11 waje i step heiwa ya ka yalang da pyllai da u Albert Khonglah, General Secretary ka chnong Mookyrdup weiwa da e ya ki kyntien pdiang burom da u Garry Lyngdoh, President MYWO wei da khana tbian yei kaam yong ka da u Dakyntu Lyngdoh, V. President MYWO, da khana u wa ya ka MYWO da sdang ha u snem 2003, chooh chooh da e yei kyntien na u L.B. Khonglah, Advisor MYWO, ka kong A. Suchiang, Executive Member MWSWO, ma M. Lywait, ex Headman wa na u ma Pyrkhat Shylla, Guest of honor.
Waroh ki wa klam da kyntu ki yei rukom krehkaam ha waroh kawi ka chnong Mookyrdup weiwa da e ya i kyrkhu kyrdoh na u Kongsan u ma Riquoma Rq. Laloo, heiwa oo da ong u wa ka MYWO toh dang ini u khai khynroo ko, neibhah ynne dap ko dang du 13 snem, ymtoh u ong wa duna ka yarong poisa næ, kamwa heh hi i rta yooluti ka yarong poisa leh kamtæ hi u heh ko.
Da kyntu haroh u yei ya tylli yong waroh ka chnong ha waroh ki kaam wabha deiwa banjoor u wa, toh u kheiñkor bha yei por la ha kiwon kiwon ki kaam.
Ya i kyntien sñiawngooh da e da ka kong Demanroy Manner, Organising Secretary MYWO.
Discussion about this post