Nartiang : Ka Nartiang man ko kawi na ki chnong hapoh Ri Loom Jaintia wei da naam ko na kiwa boon ki daw kam ka kpær ki moopynyieñ wa ka mondir Durga. Kind ki artylli kiwa man ka dak iwa kyrpang yong kani ka chnong.
Ka Nartiang leh man ko kawi na ki chnong heiwa ka niam Hindu psiah ko wa ka rukom im ki Pnar weiwa lai lang ki chirup.
Kam wow pyntip heini katkam i ngait ka niam u Blai Shiva neidaw wa sñiawsih u wa yap ka Sati da rah u yei doh ko kylleiñ kylleiñ. Kiwi ki blai da kyrpad ki yow Vishnu yow lana u oo u Shiva kamtæ u Vishnu da yaleh u u pynpra ya i dohyap ka Sati. Ki 51 bynta na i doh ka Sati da hap i kyleiñ kylleiñ ha kylleiñ ka ri India, chi bynta da haap i ha Kamrup yeiwa da tip katni kam ka Kamakhya katwa chibynta won iwa da ngait toh ka kjat yong ka da haap i heithaw wa em kani ka mandir Durga ha Nartiang. Neitæ i daw ka puja ha kani ka chnong da man i iwa emkaam weiwa kyrpang bha.
Ynnin heini leh da pyndep ïa ka niam pam blang heiwa da pam hadooh 63 tylli ki blang ha mandir Durga katwa 37 tylli nawon da pam ha Shiv mandir. Wei ki bru na kylleiñ na jylla kamjooh leh na Assam leh da wan e ngooh ki heini.
Ynne ka Durga Puja ha Nartiang heiwa da pynngam um ïa ka Blai kawa da chna da ka pachor weiwa da song ïa ka da ka that ha ka wah Myntang.
Discussion about this post