Ka lehniam Hoktoy ki Niamtre ha Jaiñtiapur, Bangladesh

Jowai : Ka chnong Jaiñtiapur man ko kawi na ki chnong kawa tip i du neidaw wa man ko ka nangbah yong ka Hima Jaiñtia dang na kitu ki por warim, wei dang boon i wympu tip i chaphang ki Pnar kiwa chong wa sah heini khamtam ya ka niam ka rukom yong ki man u snem.

Ka lehniam Hoktoy toh ka wi na ki lehniam kawa kyrpang yong ki khon ka Niamtre kiwa chong wa sah hapoh Jaiñtiapur, ha ri Bangladesh.

“Ka lehniam Hoktoy toh kawa kyrpang bha yong ki khon ka Niamtre hapoh Jaiñtiapur, kawa da pyndep na ki warim wajah” da ong uwi na ki waheh ha ka chnong u ma Prodip Lanong.

Da ong chooh chooh u wa kani ka lehniam toh kawa tip kam ka Siang-ja heiwa da e ngooh e dem ya ki Sangia Saret (Departed) wei jooh leh ya kani da pynman la man u snem ha u bnai Thohlakhmi (February) chi sngi ar sngi hadien ka Saraswati Puja.

Ha uni u snem da pyndep ya kani ka lehniam ha ka 3 Thohlakhmi, yeiwa da leh ha man la ki manyung ha Jaiñtiapur.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Heipor wa Siang-ja da e ngooh da ki baam ki dih wa da pynkhreh kyrpang ha kiwa boon rukom, wei da pyndep ya ka da i e ngooh ya ki sangia da ka khon khaddooh (sdiah) kawa ksoh kaam niam yeiwa da pynbood won sa ya u kñi ka manyung.

Manda sylli wei wyrchaw ya kani ka lehniam da u Wyrta da chem wa kani ka lehniam man ko kam ka por wa rim wow pyndep ya ka niam ka rukom wei man ko leh kam ka yachemlang (Get Together) hapyrdi ki khon ki kti, ki kur ki kha kiwa khih wa kreh wa kiwa puræ puthi cha baar ka chnong.

Ki khynnah wa waheh, chynrang wa kynthai wa chong cha baar ka Jaiñtiapur kam cha Dhaka, Moulvibazar, Sylhet wa kiwi kiwi ha kini ki por liwan chnong ki wow yachemlang yow wanrah i yatipmit wa i yatylli hapyrdi yong ki.

Da pynman leh ya ki lehkmen, ki yalehke kiwa ha rukom ki wow wanrah ya i yatylli i yajooh yajan iwi ya iwi kam wow pynwyrngia da ki yakop spoon race, musical chair, magic ball, wa kiwi kiwi.

Kani ka lehniam neh ko ym du chi sngi donhi tangwa kam chi tayaw chwa, neibhah heipor miet ki khynnah khynroo wa khyllood da mih ki wow ya pynkhreh ya ki chaad ki rwai neibynta ka miet lehkmen yong ka 4 tarik ha Yung Club ka chnong kam chi bynta yong ka Hoktoy.

Ha ka miet yong ka 4 tarik ha Yung Club da yoh ya i klam sneiñ kyntu na ki waheh wasian ka chnong kam na u ma Prodip Lanong, u Onuk Yangyung, u Babul Nayang wa kiwi kiwi.

Hadien i klam tbian, da yoh ya ki rwai ki chaad wa da pynkhreh da ki khynnah khynroo khyllood kiwa da pynka-it ka-sar ya ki paidbah.