Ka 2nd Division Football Tournament ka West Jaiñtia District Sports Association (WJDSA) kawa tip leh kam ka 7th Debo Shullai Memorial Trophy dapoi ko ynne cha wakut da ka yakhun Final hapyrdi ka Nangbah Dukhu waka Lion Sports & Youth Affairs.
Ha kani ka yakhun Final, ka Lion Sports & Youth Affairs da jop ko ya ka Nangbah Dukhu da 2-1.
Ka Lion da thap ko ya waroh ar ki kool ha ka kylla step lyngba u Wailad Dame Niangty ha ka minit wa 30 wa u Prosperwell Dhar ha ka minit wa 40 katwa ka Nangbah Dukhu da ye ko wow su chi kool ha ka kylla miet ha ka minit wa 63 lyngba u Lamchwa Dong.
U Prosperwell Dhar da yoh u leh yei naam Top Scorer kani ka Tournament katwa yei naam Man of the Match da lai cha u Lamchwa Dong.
Yei naam Best Goalkeeper da yoh u Wadari O Chyrmang na Nangbah Dakhu.
I naam Player of the Tournament won da rah da u Thuara Nampui na Nangbah Dukhu.
Ha kani ka sngi da pynkup burom leh ya kiwa yalehke U-14 ka Meghalaya kiwa da jop ya ka Meghalaya Youth League 2024.
Ya kani sngi pynhaap pyrda da wan wow sakhi deilang wa u Sanbor Shullai, MLA ka South Shillong.
Discussion about this post