Ka Lympung ka Seiñ Kyntu Sein Raij 12 Daloi

Jowai: Ka Seiñ Kyntu Seiñ Raij 12 Daloi dei ya krehlang ka waka Seiñ Raij Saphai da pyntip ki cha ki khon Ynñiawtrep Ynñiawskum, wa ka Lympung – 22 u man ko ha ka 26 wa 27 tarik uni u bnai, ha chnong Saphai West Jaiñtia Elaka Raliang, nadooh i por 10:00 waje i step.

Kamtæ da kani ka kyrwoh, ka Seiñ Kyntu Seiñ Raij -12 Daloi deilang wa ka Seiñ Raij Saphai da khut sñiawbha ya phi ki khon Ynñiawtrep Ynñiawskum waroh wow pyllait por khnang wow yawan cha kani ka lympung.

Ha kani ka lympung daw yoh ya ki chaad tynre, i snien i khroo na kiwa da stat da sian kammon wow pynneh pynsah ya ka niam ka rukom wa ka Dustur ka Riti kawa yoh pateiñ na u Blai Tre Kynrad.

Ka seiñ da khut sñiawbha ko ya waroh ki President/Secretary ki chnat Seiñ Khasi wa ki Seiñ Raij wei kamjooh leh ya ki Dolloi ki Pator ki Langdoh Niam wa ya ki para seiñ kiwa em najan na jngai cha kani ka Lympung.

Related posts

Deiwa yoh chiboon iwa chna thymme ha Aitnar pynkut ya ka Ialong Behdieñkhlam 2026 deiwa phooh wa phieñ

August 10, 2026

Poi 22 tylli ki rot ki rong ha ka Behdieñkhlam ka Seiñraij Muthlong | Nang heh nan san kat dang lai ki snem

August 3, 2026

Da yooluti wa da i wan ki yong phi daw pynphooh pynphieñ ya ka Lympung, lyngba i krehlang yong phi ka Niam ka Rukom yong i daw heh daw yaar ko na kawi ka pateiñ cha kawi ka pateiñ.

Ini toh katkam wa pyntip u S. Sari, Publicity Secretary ka Seiñ Kyntu Seiñ Raij 12 Daloi.