Ka Mary Kom ka kynthai wa nyngkong dooh wa yoh 6 tylli ki takma ksiar ha ka World Women’s Boxing Championships

New Delhi: Ka M.C. Mary Kom ynne ka sngi da booh ko yei pyrtuid ha ka yaleheke Boxing kam kawa du ka samen kawa jop 6 sien deiwa pynrem ya kawa yalehke ka Ukraine ka Hanna Okhota ha ka 10th World Women’s Boxing Championships kawa pynman ha JD Jhadav Hall ynne ka sngi ha New Delhi.

Kiwa bichaar ya ka yakhun namo ki Judge da e ki ya ka rai yong lang ya ka Mary Kom (35 snem) kam kawa jop ha ka yakhun Final ha ka kyrdan 48 Kg, kawa da pynchongchit ya kiwa wan kyrchaan ya ka kamjooh kiwi kiwa pait ha TV.

Ka Mary Kom hawa klam ko hadien wa jop ko da sdang ko u dooh ya ki kyntien sniawngooh wow ong tangwa da ong ko katwon sniawngooh ko ya kiwa kyrchaan ya ka ha kini ki snem wa da lai kamjooh kiwa maya ya kani ka yalehke Boxing.

Related posts

4th T20 Cricket Tournament: Jop ka Evergreen Mukhla CC wa ka 72 Cricket Club

January 12, 2026

Sdang ka 4th T20 Cricket Tournament ha Ummulong

January 10, 2026

Ka Mary Kom da jop ko ya ka takma ksiar ha ka kyrdan Light Fly Boxer ha u snem 2002, 2005, 2006, 2008, 2010 wei ynne ka sngi da pyntam ko ya ka Katie Taylor na ka ri Ireland kawa da yoh 5 tylli ki takma ksiar wei ka Mary Kom kawa man leh ka bei ki le ngut ki khon da yoh ko 6 tylli ki takma ksiar wa ynne ka sngi.

Ka Mary da ong ko wa katni ka thong ko toh wow yoh takma ksiar ha ka Olympics tangwa ka kyrdan yalehke yong ka ka 48 Kg ym em de em ko ha ka Olympic tangwa kattæ leh ha ka London Olympics da lai yakhun ko ha ka kyrdan Flyweight (51 kg) wei da yoh ko ya ka takma tama wei i thong yong ki toh wow takma ksiar ya ka ri.