Ka Meghalaya da yoh yaroh ko yei pynkreh ya ki sarok PMGSY, kattu daw sdang saka Phase-III: Prestone

U Symbood Montri Rangbah ka jylla wa pait ya ka chnat PWD (Roads), u Prestone Tynsong ynne ka sngi da ong u wa ka Meghalaya toh kawi na ki jylla kawa da pynkreh bha ya ka Pradhan Mantri Gram Sadak Yojana (PMGSY) hawa wyrchaw wa kiwi ki jylla ka thaaiñ mihsngi ka ri.

Da ong u wa ha ka Phase I wa II, ka sorkar da booh thong ko wow pyndep hadooh 1,300 Km ka sarok, wei hadooh katni i kreh da dep hadooh kamwa 1,000 Km.

U Prestone da pyntip u leh wa neiliang u Montri ka sorkar pyrdi wa pait ya ka Rural Development, u Giriraj Singh da yaroh u ya i rukom pynkrehkaam ka jylla ya ka PMGSY.

Heijooh i por da pyntip u wa katni ka sorkar da lai ko chaphrang wow pynkreh ya ka Phase III yong ka PMGSY hapoh ka jylla, heiwa da kyrmen u wow ye u kreh noh mar ya sdang u snem mang tangka (Financial Year) wa thymme.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da pyntip u wa ka thong neibynta ka Phase III leh u man ko T. 1,250 Km ki sarok PMGSY ha waroh kawi ka jylla wei da phah leh ya ki sahep (Engineer) ka chnat wow kreh chitom ki neibynta wow pyndep smat yeini katwa ye.

Puræ leh: 23 tylli ki sarok PMGSY wa da dep chna hapoh Meghalaya

Puræ leh: Pynbna u Conrad sa 17 tylli ki sarok PMGSY kiwa da dep chna