Ka Meghalaya U-16 da jop ko la le sien ha ka Vijay Merchant Trophy

Jowai: Ka Meghalaya U-16 Boys Cricket Team dang pteiñ ko ya ki kaam jop yong ka ha ka Vijay Merchant Trophy, heiwa da jop ki la le sien ban ban ha ka yalehke wa pynman ha Tezpur, Assam ynnin ka sngi.

Ka Meghalaya da kamai ko 135 Run ha ka Innings wa nyngkong kawa da sdang ha ka 2 tarik uni u bnai hadien wa pynhaap lut ko ya ki Wicket ka Sikkim kawa ye u kamai du 67 Run. Uwan kawang bol ka Meghalaya Prince Maurya da yoh u 5/15, u Nirdesh Baisoya 3/26 wa u Sunvish Charak 1/4.

U Baisoya ka Meghalaya da kamai u 50 Run khlem haap ka Wicket u ha ka Innings wa ar chwa wow pynkut ya ka Innings da 162/8 (Declared).

U Baisoya hadien wa lehbha u da ka Bat da ka bol leh da pynyoo u yei sap yong oo deiwa yoh 4/24, u Gavineal Marpna (2/3), Maurya (2/5) wa u Captain Sudhir Sahani (2/7) kiwa pynhaap lut ya ki Wicket ka Sikkim khem ye ko u poi cha ka thong 231 Run yow jop.