Ka Super Division 2024 ka West Jaiñtia District Sports Association (WJDSA) kawa tip leh kam ka ‘U Kiang Nangbah Memorial Trophy’ dapoi ko cha ka yakhun Final ynne hapyrdi ka Demthring SC wa ka Nangbah Mulang SC.
Ka Nangbah Mulang da yoh ko yei naam Champion lyngba ka kool wa thap u Timmy Ryngkhlem ha ka minit wa 12.
Yei naam Top Scorer da yoh u Niponghi Sumer na ka Nangbah Mulang uwa thap 9 kool.
Yei naam Best Goalkeeper da yoh u Ialamlang Biam na ka Ladthadlaboh.
Yei naam Man of the Match da yoh u Timmy Ryngkhlem na ka Nangbah Mulang.
Yei naam Player of the Tournament da yoh u Wadshwa Lato na ka Demtring.
Kini waroh da yoh ki mar Rs. 5000 samen.
Ka Nangbah Mulang Sports Club kam ka Champion da yoh ko ya ka song poisa kawa Rs. 1,00,000 katwa ka Demthring won da yoh ko Rs. 50,000 wei ya kani ka song poisa da kyrchaan da u MLA ka Jowai, u Wailadmiki Shylla uwa da man leh kam u kongsan ha kani ka sngi deiwa ya emlang u DSO ka West Jaiñtia Hills, u Khroobok Passh, u Lakhon Dkhar, MDC deilang ki dkhot ka WJDSA wa kiwi kiwi de.
Discussion about this post