Shillong: U montri khynnah ka ri wa pait ya ka tnat yada ri, u Dr. Subhash Bhamre da ong u wa ka North Eastern Council (NEC) daw pait noh ko ya ki kaam pynroi kiwa yatoh wa ka sor Shillong wei kamjooh ha kiwi ki bynta ka jylla.
Hawa jubab ya ki phang kylli lada ka sorkar pyrdi thmu ko namo ym em wow kyrriah noh ya ki chipai na sor Shillong iwa da wanrah ya i khynñia ya ki paidbah, u Dr. Bhamre da ong u wa ka NEC toh kawa pait yei roi i paar ha ka thaiñ waroh kawi wei daw pait ko leh ya ini katkam wa emkaam.
U montri ym em ware u klam che u hei yatoh wa ini deiwa ong hi-eh wa u Montri Rangbahdooh ka ri u Narendra Modi da kyruiñ bha u cha ki kaam pynroi ha ki thaiñ mihsngi ka ri.
Ha iwi i liang won uni u montri da ong u wa ka tnat yada ri ka India da man ko kawa smat wow leh yeiwa emkaam wow yada ya ka ri na kiwi tawon ki ri.
Da pynkut u deiwa ong “I sñiaw sarong i ya ki chipai ka ri wei man ki kiwa da pynkhreh wow yieñ yaleh neibynta ka ri”.
Discussion about this post