15 49.0138 8.38624 1 0 4000 1 https://wyrta.com 300 0
Advertisement ad1

Da sdang ka tayaw wa tip kam ka Beti Bachao Beti Padhao Week
Na ki 161 tylli ki District ka ri yoh myntoi ka Ri-Bhoi District ya ka scheme BBBP

0 Comments

Shillong: Ka tayaw lehwarom ya ka Beti Bachao Beti Padhao da sdang ko ynne heiwa da wan wai ya ka da u PHE Minister, Dr. C. Lyngdoh ha District Library Hall, Nongpoh hei emlang u N. Khan, District & Session Judge, Nongpoh, u C.P. Gotmare, Deputy Commissioner, Ri-Bhoi District, ka I.B. Warjri, Mission Director SRCW, ka D. Phawa, ADM, ka D.D. Syngai, EAC, ka Y.R. Mawlong, EAC, kiwa wakreh Anganwadi, ASHA, ki khynnah skur wa kiwa sikai.

Ya kani ka tayaw da pynman da ka yungkrehkaam u Deputy Commissioner, Ri Bhoi District, Nongpoh chirup wa ka District Task Force Committee, Ri Bhoi District.

U Dr. C. Lyngdoh hei klam yong oo hei yatoh wa i chah yoobeiñ ki kynthai, da ong u wa ha ka imlang sahlang yong i ymtoh wow khuslai ware neibhah wa kheiñkor i ya ka kynthai. Da ong u leh wa em chiboon ki kaam pyrchah ya ki wei emkaam wow leh iwon iwon hei yatoh wa ini deiwa kyntu ya waroh wow embynta lang ki ha ka Beti Bachao Beti Padhao.

U N. Khan, uwa man kam u District and Session Judge, Nongpoh da ban joor u wa emkaam kani ka scheme wow krehkaam ko nadooh na tre deiwa pynman ya ki esikai wa ki pynsñiawthooh ya ki paidbah.

Ka I.B. Warjri, Mission Director, SRWC da batai ko ya ki thong yong kani ka scheme (BBBP) ya kawa sdang da u Prime Minister ka ri ha ka 22-1-2015.

Kani ka scheme da pynkrehkaam ya ka ha ki 161 tylli ki district ka ri kawa kynthup ya ka Ri Bhoi District ka jylla, heiwa ka sex ratio namo i em ki khynnah kynthai duna bha ki hapoh kani ka district bar ya ki khynnah chynrang. Kani ka scheme toh ka wow pait ya i puræ puthi ki khynnah kynthai wa i chait i khiah yong ki.

Ha kani ka sngi da puræ leh ya ki kyntien kular wa i yasoi pyrtuid namo ka signature campaign.

Advertisement ad1

0 Comments

Leave a Reply