15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka NFR toh u burom ko ya ka rai ka sorkar jylla wa ka KHADC: KSU

0 Comments

Shillong: Hadien wa mih ha ki kattu katni ki khubor wa ong wa ka North East Frontier Railways (NFR) da lai yachem ko wa u lat ka jylla yow yaklam pynbait wei wow pynsmat ya i chna ya ka luti rel ha ka thaiñ Ri Bhoi wa East Khasi Hills, ka Khasi Students’ Union (KSU) lyngba ka khubor na u General Secretary yong ka u Donald V. Thabah da ong ko wa ka NFR ympu toh u jhan ko yei thmu wow wanrah rel chapoh kani ka thaiñ katwa ka sorkar jylla ympu ye ko u wanrah ya ki aiñ kiwa khlan wow sonteri yei psiah i mih ki baar jylla.

“I kwah ka NFR wow wanrah ya ka luti rel cha kani ka thaiñ da poi i hadooh utæ u pood wa ym em de u kheiñkor ko ya ka Khasi Hills Autonomous District Council (KHADC) kawa ym em e ya ka No Objection Certificate (NOC) wow lai chakhmat hei yatoh wa chna ya kani ka luti rel” da ong u Thabah.

Advertisement ad1

Chooh chooh da ong u wa i lai mih ka NFR cha u lat ka jylla pynyoo ko wa ym em u kheiñkor ko ya ka rai yong ka sorkar jylla, heiwa ha ka 19 Naiynñiaw 2017 u montri rangbah ka jylla u Dr. Mukul Sangma da pynbna u lyngba kiwa pathai khubor wa ya ka Railway Project u pynsangeh chwa hadooh wada pynbait deiwi.

Ka KSU da kyntu ko ya ka NFR wa toh u burom ko ya ka rai ka sorkar jylla wa ka KHADC deiwa ong wa ka seiñ ym e laad ko wow pynkreh yeini wei lada lai i kaam chaphrang ka seiñ ym elaad ko hanlada thombor ka sorkar ya ki dkhot yong ka kamwa man ha kini ki bnai wa dadep.

Da dawa ko leh na ka sorkar wow pynche ko wa neiyi i daw wa hadooh katni ympu em u pynkrehkaam ya ki Entry wa Exit Point.

Previous
Next

0 Comments

Leave a Reply