Ka Thadlaskein Football League 2024 wa pynman da ka Thadlaskein Sports Association (TSA) ha Wahiajer Multi Sports Complex, dapoi ko cha wakut da ka yakhun Final wa da pynman ynnin ka sngi.
Ka Final wa da pynman toh hapyrdi ka Nongkhroh Rim wa ka Niriang SC heiwa ka Nongkhroh Rim da jop ko da 1-0.
Ya ka kool wa pynjop da thap da u Helpmi Mukhim ha ka minit wa 28.
Ha ka yalehke neibynta ka 3rd Place da jop da ka Nongkhroh Krem Kum ya ka Heiboriongi FC da 5-0.
Ya kani ka yakhun Final da wan wow sakhi da u Wailadmiki Shylla, MLA ka Jowai kam u kongsan deiwa emlang u Reformingson Lamare, MDC ka Nartiang Wahiajer kam u symbood kongsan chirup deilang wa u DSO ka West Jaiñtia, u Khroobok Passah, u Jesse Suiam, MDC Moodymmai Nongkhroh wa ki dkhot ka Thadlaskien Sport Association.
Ha kani ka sngi da saam leh ki khusnaam cha kiwa yalehke kiwa man kamni:
Yei naam Best Goalkeeper da yoh rah da u Wanshan Kharsohnoh na ka Nongkhroh Rim.
Yei naam Man of the Match da yoh u Helpmi Mukhim na ka Nongkhroh Rim.
Yei naam Top Scorer da yoh u Rahbok Synnah na ka Nongkhroh Rim.
Ka Nongkhroh Rim kam ka Champion da yoh ko leh ya ka song poisa kawa Rs.1,00,000, ka Niriang won da yoh ko Rs. 50,000 katwa ka Nongkhroh Krem Kum kawa yoh wa le da yoh ko Rs. 25,000.
Kam wow pynkynmoo wa ya ka song poisa kawa rah yei naam Champion da yarap da u Deputy Chief Minister, u Sniawbhalang Dhar deiwa e Rs. 1,00,000, ya kiwa rem Final kawa Rs. 50,000 da e da u Wailadmiki Shylla, MLA ka Jowai katwa ya kiwa yoh wa le da e yarap da u Kmenlang Shylla Rs. 25,000.
Discussion about this post