Jowai : Ka office u District Sport Officer ka West Jaiñtia deilang waka office u Deputy Commissioner ha ka 23 tarik uni u bnai da pynman ko ya ka yakop phet, kawa da tip kam ka Olympic Day Run kawa da sdang na madan Jrisaleiñ wei pynkut ha madan Kiang Nangbah Stadium.
Kani ka yakop ka sien wa 3 wada pynman ha West Jaiñtia kam chi bynta u ksohkti lang wa ka pyrthai waroh kawi kamjooh u pynku yei kaam sport deiwa e lad ya ki khynnah ki khynroo khylood ki manbei manpa u wan ki chakhmat u chim bynta.
Ya kani ka yakop ha madan Jrisalein, u DM Wahlang Additional Deputy Commisioner da wan u wow pynhær ya ka lama, kiwa chim bynta da phet ki lyngba ka dong Chutwakhu, Mission Compound, Iongpiah, Dulong, Poh-hali, Salaroh, Polytechnic, Public School neitæ won cha madan Kiang Nangbah Stadium Ladthadlaboh.
Manda poi ha Indoor Stadium won u DM Wahlang da saam u ya ki prize cha kiwa jop hei emlang u District Sport Officer, u H. Shangpliang, heiwa na ki chynrang da yoh nyngkong da u Marso Kyndait uwa da pyndep hei por kamwa 24m30s, wa ar u Belin Dkhar wa ye u pyndep kamwa 25m55s wa le won u Ribet Dkhar wa ye u pyndep ya kani ka marathon hei por kamwa 27m26s.
Na ki kynthai da yoh nyngkong ka Pynhun Chulet wa ye u pyndep kamwa 40m16s, wa ar ka Happyness Phawa wa ye u pyndep 50m35s wa le won ka Rilung Shylla wa ye u pyndep ha i por 51m04s
Discussion about this post