Jowai : Ka Durga Puja kamwa da pynman da waroh ki wa bood ya ka niam Hindu, ynne ka sngi da poi ko cha wa kut deiwa pynngam um ya ki dur ka Blai ha ki wah, ki duriaw, ha kylleiñ ki thaw ka pyrthai.
Ha kani ka kynti ha Jowai, ha uni u snem da rai wow pynngam ya ki dur Blai ha ka wah Myntdu (Treriat) kam wow pyndep niam, wei wow sai noh woot woot khlem u yoh ki u kai cha jngai wei wow li booh won ya ki ha ka top nar wa da dep booh kyrpang ha rood ka wah kam chibynta wow yada ya ka wah Myntdu.
Ha uni u snem kiwa ngait niam Hindu da wan ki da ki spah ngut wow sakhi wei wow embynta ha i pynkut ya ka Durga Puja heiwa da wanrah 5 tylli ki dur blai 4 tylli kiwa khian wa ka wi ka wa heh.
Heipor wa pynhiar nyngkong ya ki dur Blai wa khian heipyrdi i chong chit da myllin wow sai biang wei da kit ka um ya ini i dur blai, kamtæ da lai i wa ar, wa le, wa so wei manda poi ha i wa heh dooh da wan ki pulit wa ki pulit ka Fire Brigade wow pynkynmo ya ki wow pynngam wei u sai biang ya ki dur blai wei yow booh ya ki ha ka top wa da booh kyrpang.
Ya ki blai wa da yoh u pyngam chwa da li kdong ya ki da ki kattu katni ngut ki bru kiwa hap u ympa rap cha wah wei da wanrah wei wow booh won ki hapoh ka top.
Hawa kut i thmu ki bor district wow leh yeini i booh ya ki dur blai hapoh ka top man i iwa jop wei kamwa da kular da tih leh ya i thlu wow pyllait ya kani ka um yow lait ko i lai cha ka wah.
Discussion about this post