Kam chibynta wow pynkhreh yei pynman ya ka 2nd North East Olympic Games ha Shillong, ka Directorate of Health Services and District Medical wa Health Officer, East Khasi Hills District, ynne ka sngi da pynman ki ya ka yalang pynsñiawthooh ya ki Doctor, ki Nurse, ki Paramedical wa ki Volunteer yow pynsñiawthooh yei kaam yong ki ha kani ka North East Olympic Games ha ka yalang wa pynman ha U Soso Tham Auditorium, Shillong.
Ya kani ka yalang da wan wow wai da ka R. M. Kurbah, Secretary, Health and Family Welfare Department, deiwa emlang ka Dr. (Mrs) H C Lyndem, DHS (MI), ka Dr. (Mrs) Adreena Lyngdoh, DMHO, East Khasi Hills, u Dr. Ankush Gupta, Project Officer, National Anti Doping Agency (NADA), u Finely L. Pariat, General Secretary, MSOA, u Dr. Bhaskar Borgohain, Prof. & HOD of Orthopaedics, NEIGRIHMS, Dr. N. P. Laloo, Sr. Orthopaedic Surgeon, Civil Hospital Shillong wa kiwi kiwi de.
Ha kani ka pynsñiawthooh kawa chi sngi da yaklam chaphang ka: Orientation on Dope Control Programme, ki jait dawai wa da khang wow pynemkaam, ki jait mynsoo, i rukom sumaar ya kiwa takha wa kammon wow kit cha ki thaw sumaar, ki kaam wa yatoh wa ka Physiotherapy neibynta kiwa yalehke, Basic Life Support, ki jait takha hawa yalehke nadooh i kheiñ, i yinrot, i ku ksah wa kiwi kiwi de.
Ki bru chemphang wa da e yei klam ha kani ka sngi toh u Dr. Ankush Gupta, Project Officer, National Anti Doping Agency (NADA), Dr. N. P. Laloo, Sr. Orthopaedic Surgeon, Civil Hospital Shillong Dr. Bhaskar Borgohain Prof. & HOD of Orthopaedics NEIGRIHMS, Dr. Arwan Phanbuh, Sr. M &HO, DHS, Dr. Robert R. Marak wa ka Dr. Apurba A. Marak.
